बिचरा!!!नेताजी...

नेता जी को फुर्सद नै छैन अचेल, फेरी चाहिदो काममै ब्यस्त भए त हुन्थ्यो नि, खै! के लाइ हो काम पनि छैन फुर्सद पनि छैन भन्थे त्यस्तै भा छन् नेता जी/ उ बेला नियमापति भन्दै टेबल ठटाउदा उठेका ठेउला लाइ अहिले साह्रै मिस गरेका छन् रे! नेताजीले/ अझ नेताजीले यसपल्ट को दशैको दुख यसरि पोखे: " पहिले-पहिले सोह्र सराद देखि नै रातो, कालो, लाम्कने, डल्ले, ........कुन्चाही खसी ल्याउं हजुर भन्दै भेराइटी देखाउने ब्यापारी र कर्मचारी को भिड हुन्थ्यो" यसपल्ट ५ किलो खसीको मासुको लागि छिमेकी संग हार-गुहारे गर्नुपर्यो रे!!

बिदेशी सोमरस को स्वाद मात्रै चाख्न पाएको नेताजीको बिचरा त्यो  जिब्रोले यसपल्ट खोयाबिर्के जल लाइ मेड इन नेपाल भन्दै गर्व गरेछ /

आजकल नेताजी उनको पहिलेको भत्काइएको घरलाइ फेरी बनाउनुपर्यो भन्दै त्यहि घर भाकै कानेश्वोर गाउँमा भेला गर्छन रे / आँखा बाट झर्ने लागेको आँशु रोक्दै भने: " उ बेला अगी-पछी गाडी,बिचमा आफु सलाम ग्रहण गर्दै भित्र छिरिन्थ्यो, आजकल घरको तगारो अगाडी उभिदा पनि सलाम ठोक्ने हातले लाठि ठोक्छन, कताबाट कुलेलाम ठोक्ने बाटो हेर्दै बस्नुपर्छ /" 

उनि गुनासो गर्दै भन्छन :"घर छउन्जेल सत्ताका लागि जे पनि गर्ने मधेशी मोर्चा जस्तै थि मेरी श्रीमती, आजकल एमाले भकिछ / उ बेला भासनको सट्टा एउटा गीत गाउँदा पनि प..र..र..र..र....तालि पाउने मेरो बोलि आजभोली उद्दण्ड को बोलि भा छ रे, ठेगानै नभाको, छिन-छिन मा चेन्ज भैरहने / मेरो त्यो घर छउन्जेल रिबन काट्नलाई कैंची लिएर आउनेको लहरै हुन्थ्यो, आजभोली छिमेकमै कार्यक्रम गर्छन, चिया-बिस्कुट बाँडी-चुंडी खान्छन, आफु परैबाट थुक निल्दै हिड्नुपर्छ/  उ बेला ओह!! कामरेड भन्थे,सांचैको रेड सिग्नल जस्तै थिएँ म, सबै टक्क उभिन्थे मलाई देखेर, आजभोली बानेश्वोर्को ट्राफिक लाइट जस्तै भाको छु, कसैलाई मेरो परवाहै छैन / मैले प्रतिगमन भन्दा प्रतिगमन र अग्रगमन भन्दा अग्रगमन हुने मेरो बोलि र ढलमा कराउने किरो बीच आजभोली कुनै तात्विक भिन्नता छैन /"

नेताजीको बोलीले धेरै नयाँ-नयाँ शब्दको स्वाद चाख्न पाएको रहेछ / प्रजातन्त्र....शान्ति...लोकतन्त्र....प्रतिगमन.....हुँदै उहाँको शब्द एक्सप्रेस आजभोली सहमतिको होर्न बजाउनमै ब्यस्त छ/ अलिकति भिडभाड, नयाँ मान्छेको चहलपहल, क्यामेरा, अनि माइक्रोफोन अगाडी आउनासाथ उहाँको होर्न बजिहाल्छ सहमतिको / तर खै किन हो आजभोली बाटोमा बसेको भैंसीले समेत उहाँको सहमतिको होर्न मा  टेर-पुच्छर लगाउन छोडिसक्यो, सायद नेताजिकै अन्य मित्रहरुले कन्याउन्दै भैंसीको चाकरी गरेर पो हो कि?? बिचरा!! नेताजीको बोलि, बचन, व्यवहार, काम अनि गर्जने शैली आजभोली सबै बिचरा!! भएका छन् , ओल्लो घाट न पल्लो तिरको...